Ligësi

Çfarë arrihet me ligësi, përfundon me ligësi.

Plauti
Tema Arritje, Fund, Ligësi

Nëse njerëzit flasin keq për ty, jeto në mënyrë të tillë që askush të mos i marrë për bazë fjalët e tyre.

Platoni
Tema Fjalë, Ligësi, Shembull, Të folurit

Të gjithë e pranojmë me kënaqësi palumturinë tonë; askush ligësinë.

Luigi Pirandello
Tema Ligësi, Palumturi, Pranim, Të tjerët

Jam vëllai im binjak; ai i ligu.

Andrea G. Pinketts
Tema Ligësi

Ka edhe më keq se të kesh një shpirt të lig. Është të kesh një shpirt të mësuar me çmos.

Charles Péguy
Tema E keqja, Ligësi, Përshtatje

Përderisa njeriu do të shfrytëzojë njeriun, përderisa njerëzimi do të jetë i ndarë në skllevër e pronarë, nuk do të ketë as normalitet as paqe. Kjo është arsyeja e ligësisë së kohës sonë.

Pier Paolo Pasolini
Tema Ligësi, Normalitet, Paqe, Pronar, Shfrytëzim, Skllavëri

Njerëzit e mirë e kërkojnë të mirën edhe tek e keqja, ndërsa të këqijtë e gjejnë të keqen edhe tek e mira e kulluar.

Blaise Pascal
Tema E keqja, E mira, Kërkim, Ligësi, Mirësi

Asnjë njeri i lig nuk mund të jetë i lumtur.

Juvenali
Tema Keqbërës, Ligësi, Lumturi

Nuk është e mundur të bëhen pasuri të mëdha, përveçse përmes ligësisë dhe mëkatit.

Guru Nanak
Tema Ligësi, Mëkat, Pasuri

Dy djem ranë në ujë. Njëri shpëtoi “Prej mirësisë së Zotit”. Tjetri u mbyt “Prej ligësisë së Zotit”.

Multatuli
Tema Aforizma argëtuese, Ligësi, Mirësi, Zot

Më mirë të mos kem një Zot, sesa të kem një Zot të lig.

Guido Morselli
Tema Ligësi, Zot

Zemrën e ka të ligë, e liri nuk meriton, ai që mikun e lë në zinxhirë.

Vincenzo Monti
Tema Ligësi, Liri, Zinxhirë

Ka njerëz që i kushtohen kultivimit të luleve vetëm që të mund t’u shqitin petalet.

Yukio Mishima
Tema Ligësi, Lule

Shiu binte në të njëjtën mënyrë si mbi njeriun e drejtë si mbi njeriun e lig, dhe askush nuk dinte përse.

W. Somerset Maugham
Tema Ligësi, Shi

Ligësia është diçka që e dallon sapo e sheh: vepron përmes nurit.

Brian Masters
Tema Bukuri, Ligësi

Ligësia është shpirti i kritikës. Kritika është zanafilla e progresit dhe e qytetërimit.

Thomas Mann
Tema Kritikë, Ligësi, Përparim, Qytetërim

Gjithë kjo ligësi që ka bota, më jep sigurinë të them se ajo nuk është krijuar për ne nga një qenie e mbinatyrshme.

Lukreci
Tema Botë, Krijim, Ligësi

Kush i njeh njerëzit, e di se ata më shpesh dëshpërohen për moskryerjen e një ligësie të leverdishme, sesa për kryerjen e një të tille.

Pierre-Marc-Gaston de Lévis
Tema Dëshpërim, Ligësi, Pendim

Për të kuptuar nëse në botë ka më shumë ligësi apo mirësi, secili le të shohë në zemrën e tij.

Giacomo Leopardi
Tema Ligësi, Mirësi

Ai që i hap gropën tjetrit, bie vetë në të.

Leonardo da Vinci
Tema Ligësi