Errësirë

Në kontinentin e përnatshëm të gjumit gjendet drita dhe terri i njerëzimit, mjalti dhe helmi, madhështia dhe mjerimi i tij.

Ismail Kadare
Tema Dritë, Errësirë, Gjumë

Ndodh me njeriun siç ndodh me pemën: sa më shumë ajo mësyn drejt dritës, aq më fort rrënjët e tij i kapen tokës e thellësive të errësirës.

Friedrich Nietzsche
Tema Dritë, Errësirë, Njeri, Pemë

Natën, kur zgjohemi nga një ëndërr, të mundur e të robëruar nga mahnitja e vizioneve që vërshojnë, ndihemi të llahtarisur nga brishtësia e pajandrave dhe mureve që na ndajnë nga errësira.

Erich Maria Remarque
Tema Brishtësi, Ëndërr, Errësirë, Mbrojtje, Zgjim

Çdo mendim i thellë që të bie ndërmend në kohën e territ, zbehet në mëngjes e humb në avull si vesa para diellit.

Martin Camaj
Tema Dritë, Errësirë, Mendim

Unë s’kërkoj me m’pru dritën, por dikë që m’dallon n’errësinë.

Klodian Kojashi
Tema Dritë, Errësirë, Kërkim

Ndoshta duhet të njohësh errësirën para se të mund të çmosh dritën.

Madeleine L’Engle
Tema Dritë, Errësirë, Gjykim, Njohje

Në kohë të errëta na ndihmojnë ata që janë mësuar të ecin gjatë natës.

Ernesto Sabato
Tema Ecje, Errësirë, Ndihmë

Si mund të flasim për dritën nëse nuk kemi pasur të paktën një herë përvojën e errësirës.

Zenoni nga Citiumi
Tema Dritë, Errësirë, Përvojë

Mjafton një rreze drite për të dëbuar errësirën më të kobshme.

Shneur Zalman
Tema Dritë, Errësirë

Në rregull, po shpejtësia e errësirës sa është?

Steven Wright
Tema Aforizma argëtuese, Errësirë, Shpejtësi

Zemra e tjetrit është një pyll i errët.

Gloria Vanderbilt
Tema Errësirë, Të tjerët, Zemër

Errësira zgjon gjumin.

Paul Valéry
Tema Errësirë, Gjumë

Shpresa është aftësia për të parë dritën pavarësisht errësirës.

Desmond Tutu
Tema Dritë, Errësirë, Shpresë

Ai që nuk e ka parë natën të bjerë, të mos përbetohet se po kridhet në errësirë.

J. R. R. Tolkien
Tema Dituri, Errësirë, Natë

I pafe është ai që thotë lamtumirë sapo bie errësira mbi rrugë.

J. R. R. Tolkien
Tema Errësirë, Fe, Lamtumirë

Është njeriu që bën dritë apo terr, në çdo vend e në çdo kohë.

Marcello Simoni
Tema Dritë, Errësirë

Lumturia mund të gjendet edhe në çastet më të errëta, nëse ndokush kujtohet të ndezë dritën.

J. K. Rowling
Tema Dritë, Errësirë, Lumturi

Të gjithë kemi qenë pasthirrma të humbura në errësirë.

Massimo Recalcati
Tema Errësirë, Ngjizje

Në terr, dashuria është e çuar dëm. Sytë janë udhërrëfyesi më i mirë në dashuri?

Propertius
Tema Dashuri, Dëm, Errësirë, Sy

Heshtja është si errësira: duhet guxim për ta shikuar.

Renzo Piano
Tema Errësirë, Guxim, Heshtje