Ndërgjegje

Ndërgjegjja është një mik që të këshillon paraprakisht, e jo një gjykatës që të ndëshkon më vonë.

Denis Fonvizin
Tema Gjykim, Këshillë, Ndërgjegje, Ndëshkim

Sqima është në thelbin e çdo gjëje. Edhe ajo që ne quajmë ndërgjegje nuk është gjë tjetër veçse një sqimë e brendshme.

Gustave Flaubert
Tema Ndërgjegje, Sqimë

Të gjitha gjallesat kanë ndërgjegje dhe të gjitha arrijnë të mendojnë.

Empedokli
Tema Gjallesë, Mendim, Ndërgjegje

Kur portofoli tëhollohet, ndërgjegjja zgjerohet.

Noël du Fail
Tema Ndërgjegje, Para

Zëri i ndërgjegjes nis të mpaket kur zorrët kërcasin.

Denis Diderot
Tema Ndërgjegje, Uri, Varfëri

Ndërgjegjja është sëmundje.

Miguel de Unamuno
Tema Ndërgjegje, Sëmundje

Zëri i ndërgjegjes është kaq i dobët saqë mund ta mbysësh me lehtësi, por është kaq i kthjellët saqë nuk mund ta ngatërrosh.

Madame de Staël
Tema Ndërgjegje, Ngatërrim, Qartësi

Ndërgjegjja është gjykatësi më i mirë që një njeri i ndershëm mund të ketë.

José de San Martín
Tema Gjykatës, Ndërgjegje, Ndershmëri

Në shumë shtigje të jetës, ndërgjegjja është një barrë më e rëndë se një bashkëshorte apo një karrocë.

Thomas de Quincey
Tema Barrë, Ndërgjegje

Ndërgjegjja nuk na ndalon të bëjmë mëkate, por s’na lejon t’i shijojmë ato.

Salvador de Madariaga
Tema Mëkat, Ndërgjegje, Shije

Krimet janë proporcionale me pastërtinë e ndërgjegjes. Ai që është vetëm një gabim për disa njerëz, për të tjerë që janë më të pastër në shpirt është një krim.

Balzaku
Tema Gabim, Krim, Ndërgjegje, Pastërti

Brejtja e ndërgjegjes ndëshkon fajin.

Honoré Gabriel Riqueti de Mirabeau
Tema Faj, Ndërgjegje

Ka më shumë rëndësi ndërgjegjja jote sesa mendimi i tjetrit.

Ciceroni
Tema Ndërgjegje, Rëndësi, Të tjerët

Kujdesu më shumë për ndërgjegjen se për famën! Ndërgjegjja është çfarë ti je, Fama është çfarë të tjerët mendojnë se je. Dhe çfarë të tjerët mendojnë se je është problem i tyre.

Charlie Chaplin
Tema Famë, Ndërgjegje, Të tjerët, Vetvetja

Ndërgjegjja është një qen që nuk na ndalon të veprojmë, por as ne nuk mund ta ndalojmë atë të lehë.

Nicolas Chamfort
Tema Ndalim, Ndërgjegje, Veprim

Asgjë nuk të shtyn të bësh shqyrtimin e ndërgjegjes aq sa një refuzim.

Edmund Burke
Tema Meditim, Ndërgjegje, Refuzim

Nëse e dini veten të pafajshëm, kaq i mjafton ndërgjegjes suaj.

Giovanni Boccaccio
Tema Ndërgjegje, Pafajësi

Ndërgjegjja është ndërmjetëse mes asaj që ishte e asaj që do të jetë, një urë lidhëse mes të shkuarës e të ardhmes.

Henri Bergson
Tema E ardhme, E shkuar, Ndërgjegje

Bindja se ateizmi është gjendja më e keqe në të cilën mund të gjendemi është pasoja e një paragjykimi të rremë që ka të bëjë me ndriçimin e ndërgjegjës.

Pierre Bayle
Tema Ateizëm, Ndërgjegje, Paragjykim

E “ndotur” nuk është vetëm toka, por edhe ndërgjegjja jonë.

Svetlana Alexievich
Tema Ndërgjegje, Ndotje, Tokë