Ngushëllim

Nuk ka ngushëllim në jetë. Dhimbja është gjithçka që do të gjesh në të.

George Michael
Tema Dhimbje, Ngushëllim

Mashkulli kërkon një femër me të cilën të krenohet. Femra kërkon një mashkull, mbi shpatullën e të cilit të mbështesë kokën.

H. L. Mencken
Tema Burrë, Grua, Krenari, Ngushëllim

Buzëqeshja është përgjigjja më e zgjuar dhe më e thjeshtë e gjërave të pazakonta; e sido që të vejë puna, ajo mbetet përherë një ngushëllim.

Herman Melville
Tema Buzëqeshje, Ngushëllim, Përgjigje

Ata që i drejtohen Zotit për të pasur ngushëllim, mund të gjejnë ngushëllim, por nuk besoj se do të gjejnë Zotin.

Mignon McLaughlin
Tema Ngushëllim, Zot

Buzëqesh, sepse të gjithëve u mungon vetëbesimi, dhe një buzëqeshje i qetëson më shumë se çdo gjë tjetër.

André Maurois
Tema Buzëqeshje, Ngushëllim, Vetëbesim

Kush është i lumtur, është budalla. S’është e vërtetë, por të ngushëllon.

Marcello Marchesi
Tema Budalla, Lumturi, Ngushëllim

Përrallat nuk u duhen treguar fëmijëve për t’i gënjyer, por të rriturve për t’i ngushëlluar.

Marcello Marchesi
Tema Fëmijë, Gënjeshtër, Ngushëllim, Përrallë, Të rritur

Në rini kërkon famë e pasuri, pastaj kupton se një grua e hajrit e ndonjë kolopuç nëpër shtëpi janë një ngushëllim i mirë.

Daniele Luttazzi
Tema Bashkëshortë, Familje, Fëmijë, Ngushëllim, Rini

Shpresa e ngushëllimit jep kurajë në vuajtje.

Marcel Proust
Tema Kurajë, Ngushëllim

Një nga ngushëllimet më të mëdha të jetës është miqësia; dhe një nga ngushëllimet e miqësisë është të kesh dikë me të cilin mund të ndash një sekret.

Alessandro Manzoni
Tema Besim, Miqësi, Ngushëllim, Sekret

Gjembat mund të të shpojnë, njerëzit të të braktisin, drita e diellit mund të zbehet, por nuk do të mbesësh kurrë pa miq, nëse ke një qen.

Douglas Malloch
Tema Miqësi, Ngushëllim, Qen

Një cigare e mirë është një ngushëllim i madh për një burrë, siç është e qara për një grua.

Edward Bulwer-Lytton
Tema Burrë, Duhan, Grua, Ngushëllim, Qarje

Është më e lehtë të gjejmë këshilla se të gjejmë ngushëllim.

Georg Christoph Lichtenberg
Tema Këshillë, Ngushëllim

Frika sundon botën, dhe shpresa e ngushëllon.

Pierre-Marc-Gaston de Lévis
Tema Frikë, Ngushëllim, Shpresë, Sundim

Vera është ngushëllimi më i mirë dhe më i sigurt.

Giacomo Leopardi
Tema Ngushëllim, Verë

Nga të gjitha pashpirtësitë, më të padurueshmet janë ato që fshihen nën petkun e dhembshurisë dhe ngushëllimit.

Walter Savage Landor
Tema Empati, Mizori, Ngushëllim

Duke pasur iluzionin e madhështisë njerëzore, gjëja tragjike na ngushëllon. Gjëja komike është më mizore, na e shfaq egërsisht kotësinë e të gjitha gjërave.

Milan Kundera
Tema Kotësi, Madhështi, Ngushëllim, Tragjedi

Misioni i fesë është të ngushëllojë qeniet njerëzore që shkojnë drejt gijotinës.

Karl Kraus
Tema Fe, Masakër, Ngushëllim, Sakrificë

Familjet me fëmijë e familjet pa fëmijë i qajnë hallin njëra-tjetrës.

E. W. Howe
Tema Familje, Fëmijë, Ngushëllim

Kur je në telashe, ata që vijnë të të ngushëllojnë, janë thjesht kureshtarët që duan të dinë më shumë.

E. W. Howe
Tema Kureshtje, Ngushëllim