Pasion

Ndiq pasionin tënd, jo pensionin tënd.

Denis Waitley
Tema Ndjekje, Pasion, Pension

Kënga është biseda e flaktë e pasionit më të lartë. Muzika është gjuha e pasionit.

Richard Wagner
Tema Këngë, Muzikë, Pasion

Ëndrrat epshore të një burri rreth gruas së vet mbarojnë pas muajit të mjaltit. Burri pastaj duhet të mësohet me detyrën e vështirë por shpaguese të të kuptuarit se kush është në të vërtetë personi me të cilin është martuar.

Kurt Vonnegut
Tema Burrë, Grua, Martesë, Njohje, Pasion

Tërbimi është një pasion vulgar që ka qëllime vulgare, dhe bie përherë në nivelin e qëllimit të tij.

Ernst von Feuchtersleben
Tema Pasion, Qëllim, Tërbim, Vulgaritet

Në zemër kisha gjembin e një pasioni, të cilin arrita ta heq, por tani nuk ndiej më zemrën.

Fabio Volo
Tema Pasion, Zemër

Nuk duhet të reshtësh së qenët kureshtar dhe t’u përkushtohesh pasioneve të intelektit.

Umberto Veronesi
Tema Intelekt, Kureshtje, Pasion

Duhet t’ua dimë për nder pasioneve tona për arritjet më të mëdha të mendjes sonë.

Luc de Clapiers de Vauvenargues
Tema Arritje, Mendje, Pasion

Profesioni yt nuk është ai që të mundëson të çosh rrogën në shtëpi. Profesioni yt është ai për të cilin ke lindur të bësh me një pasion të tillë që bëhet shpirtëror në thirrjen e tij.

Vincent van Gogh
Tema Pagesë, Pasion, Profesion, Thirrje

Pa pasion nuk ke energji, e pa energji nuk ke asgjë.

Donald Trump
Tema Energji, Pasion

Të pasionuarit pas kinemasë janë njerëz të sëmurë.

François Truffaut
Tema Kinematografi, Pasion, Sëmundje

Lumturia e një njeriu nuk ka të bëjë me mungesën e pasioneve, por me menaxhimin e tyre.

Alfred Tennyson
Tema Lumturi, Mungesë, Pasion

Feja është pasioni më i lartë i njeriut. Në çdo brez, ndoshta ka shumë njerëz që mbërrijnë deri te feja, por askush nuk shkon përtej saj.

Søren Kierkegaard
Tema Fe, Pasion

Është më e vështirë të shfaqesh indiferent kur je i pasionuar, se të shfaqesh i pasionuar kur je indiferent.

Italo Svevo
Tema Indiferencë, Pasion, Vështirësi

Nëse je i shëmtuar, bëhu i frikshëm dhe do ta harrojnë shëmtinë tënde. Nëse je i moshuar, shfaqu energjik dhe do ta harrojnë moshën tënde.

Eugène Sue
Tema Frikë, Harresë, Moshë, Pasion, Shëmti

Pasioni ndizet shpejt e shuhet shpejt. Intimiteti zhvillohet më ngadalë; angazhimi edhe më ngadalë.

Robert Sternberg
Tema Angazhim, Intimitet, Ngadalë, Pasion, Shpejtësi

Njerëzit e kuptojnë njëri-tjetrin vetëm në masën e ndikimit që marrin nga të njëjtat pasione.

Stendhal
Tema Kuptim, Pasion, Reciprocitet

Dashuria është i vetmi pasion që paguhet me një monedhë që ajo vetë emeton.

Stendhal
Tema Dashuri, Pasion

Prirje do të thotë të kesh për profesion pasionin tënd.

Stendhal
Tema Pasion, Prirje, Profesion

Gjëja që karakterizon pasionet e mëdha është pafundësia e pengesave për t’u kapërcyer dhe paqartësia se do t’u dilet mbanë.

Stendhal
Tema Paqartësi, Pasion, Pengesë

Ke pasion të vërtetë për diturinë kur as shkolla nuk arrin të ta shuajë.

Giovanni Soriano
Tema Dituri, Pasion, Shkollë