Mbrojtje

Meshkujt janë një klasë shoqërore e tmerrshme në inspektimin e një femre të pambrojtur.

Thomas Hardy
Tema Burrë, Grua, Mbrojtje

Kush ka miq është i mbështjellë me mirësi dhe i mbrojtur nga i ftohti i hapësirës së pafund.

Charlotte Gray
Tema Mbrojtje, Miqësi, Mirësi

Të dinë t’u ngjeshin të tjerëve mangësitë e veta e t’i kthejnë ato në mburojë kundër keqdashjes së tjetrit është një aftësi e pashoqe për ata që qeverisin.

Baltasar Gracián
Tema Mbrojtje, Qeverisje, Të tjerët

Femrat i mbron ideja se të gjithë meshkujt janë njësoj, ndërsa meshkujt i rrënon ideja se të gjitha femrat janë ndryshe.

Ramón Gómez de la Serna
Tema Burrë, Grua, Mbrojtje, Shkatërrim

Ekstremizmi në mbrojtje të lirisë nuk është një ves. Moderimi në kërkimin e së vërtetës nuk është një virtyt.

Barry Goldwater
Tema Liri, Mbrojtje, Vërtetësi, Ves, Virtyt

Është e habitshme se si të gjithë ne mbrojmë më shumë gabimet tona sesa të drejtat tona.

Khalil Gibran
Tema E drejtë, Gabim, Habi, Mbrojtje

Të vdesësh duke mbrojtur të drejtat e të tjerëve është vdekja më e bukur dhe më fisnike për një qenie njerëzore.

Khalil Gibran
Tema E drejtë, Mbrojtje, Vdekje

Asgjë s’na mbron nga egoizmi i tjetrit më mirë se egoizmi ynë.

Roberto Gervaso
Tema Egoizëm, Mbrojtje, Të tjerët, Vetvetja

Jeta e një qengji nuk është më pak e çmuar se ajo e një njeriu. Sa më e pambrojtur të jetë një krijesë, aq më shumë nevojë ka që njeriu ta mbrojë nga mizoria e njerëzve të tjerë.

Gandi
Tema Jetë, Kafshë, Mbrojtje, Njeri, Qenie

Mendimet e gatshme na mbrojnë nga puna e lodhshme e të menduarit.

John Kenneth Galbraith
Tema Lodhje, Mbrojtje, Mendim

Me rritjen e mirëqenies, herët a vonë të gjithë e kuptojnë se kanë diçka për të mbrojtur.

John Kenneth Galbraith
Tema Mbrojtje, Mirëqenie, Pasuri

Detyra kryesore e qytetërimit është të na mbrojë nga natyra.

Sigmund Freud
Tema Detyrë, Mbrojtje, Natyrë, Qytetërim

Nevoja më e madhe që ka një fëmijë është të ndihet i mbrojtur nga prindi.

Sigmund Freud
Tema Fëmijë, Mbrojtje, Prind

Në territorin armik, të shtiresh si “idiot” është mburoja më e mirë.

Frederick Forsyth
Tema Armiqësi, Idiotësi, Mbrojtje, Shtirje

Ai që dëshiron të mbrojë gjithçka, nuk mbron asgjë. Si ai që dëshiron t’i ketë miq të gjithë, që mbetet pa asnjë.

Frederiku i Madh
Tema Mbrojtje, Miqësi

Nga çdo gjë tjetër mund të sigurohemi, por përballë vdekjes të gjithë ne jetojmë në një qytet pa mure.

Epikuri
Tema Mbrojtje, Vdekje

Ligji është bërë për të mbrojtur maskarenjtë.

George Eliot
Tema Ligj, Maskara, Mbrojtje

Nuk mund t’i mbrojmë bijtë tanë nga jeta, por mund t’i përgatisim që të përballen me të.

Rudolf Dreikurs
Tema Fëmijë, Mbrojtje, Përballje, Përgatitje

Lapsi është sot siç ishte shtiza në kohët e lashta: mbron, vret, pushton.

Emilio De Marchi
Tema Laps, Mbrojtje, Pushtim, Vrasje

Njerëzit nuk duan të ruajnë asgjë më shumë se shëndetin e tyre, por për asgjë nuk kujdesen më pak.

Jean De la Bruyére
Tema Kujdes, Mbrojtje, Shëndet