Mbrojtje

Një popull mbron gjithmonë më zellshëm zakonet e tij sesa ligjet e tij.

Montesquieu
Tema Ligj, Mbrojtje, Popull, Zakon

Natën, kur zgjohemi nga një ëndërr, të mundur e të robëruar nga mahnitja e vizioneve që vërshojnë, ndihemi të llahtarisur nga brishtësia e pajandrave dhe mureve që na ndajnë nga errësira.

Erich Maria Remarque
Tema Brishtësi, Ëndërr, Errësirë, Mbrojtje, Zgjim

Asnjë krijesë e Zotit nuk duhet lënë në mëshirë të fatit.

Mark Twain
Tema Mbrojtje, Mëshirë

Edhe gazi i mbrendshëm mbi të tjerë qenkej shej ligshtie e tërthoras vetëmbrojtje.

Martin Camaj
Tema E keqja, Mbrojtje, Tallje

Edhe padituria ka të mirën e vet, sepse mbron nga dijet e rreme.

José Saramago
Tema Dituri, Mbrojtje, Padituri

Zoti ia besoi njeriut tokën për ta mbrojtur, jo për ta shfrytëzuar.

Luise Rinser
Tema Mbrojtje, Shfrytëzim, Tokë

Nëse ai që mbron ju shti frikën, kush do t’ju mbrojë nga frika?

Ronald Laing
Tema Frikë, Mbrojtje

Kur njerëzit më qortojnë, di si të mbrohem, por përballë lëvdatave ndihem i pafuqishëm.

Sigmund Freud
Tema Kritikë, Lëvdatë, Mbrojtje

Secili duhet ta ruajë dhe ta shenjtërojë shpirtin e vet në mënyrën dhe në vendin që i përket, pa e pasur zili mënyrën dhe vendin e të tjerëve.

Martin Buber
Tema Mbrojtje, Mënyrë, Shpirt, Të tjerët, Vetvetja

Liria dhe paqja janë gjëra të gjalla. Secili brez, nëse do t’i gëzojë, duhet t’i mbrojë e t’i gjallërojë sërish ato.

Franklin D. Roosevelt
Tema Liri, Mbrojtje, Paqe

Një nga mbrojtëset më kokëforta të historisë është arkeologjia.

Isaiah Berlin
Tema Arkeologji, Histori, Mbrojtje

Dashuria është një perëndi që bashkëpunon për mbrojtjen e shtetit.

Zenoni nga Citiumi
Tema Dashuri, Mbrojtje, Shtet

Nderin duhet ta kishim mbrojtur me penë dhe jo me shpata.

Malala Yousafzai
Tema Armë, Arsim, Mbrojtje, Ndershmëri

Çfarëdo që bëjmë e kudo që shkojmë, ndërtojmë mure rreth nesh, fillimisht për mbrojtje e pastaj për izolim.

Marguerite Yourcenar
Tema Izolim, Mbrojtje, Mur

Asnjë këmbëngulje nuk ka të krahasuar me atë që mbështetet nga sistemi. Asnjë gabim nuk është aq i zorshëm për t’u çrrënjosur sa ai që mbrohet nga emri i mirë i inteligjencës.

William Wordsworth
Tema Gabim, Këmbëngulje, Mbrojtje, Mençuri

Serioziteti është e vetmja strehë e njerëzve të cekët.

Oscar Wilde
Tema Mbrojtje, Seriozitet, Sipërfaqe

Të gjitha gratë duhet të luftojnë me vdekjen për të mbrojtur fëmijët e tyre. Vdekja, duke qenë se nuk ka fëmijë të vetët, kërkon fëmijët tanë.

Oscar Wilde
Tema Fëmijë, Grua, Luftë, Mbrojtje, Vdekje

Durimi është kalaja e shpirtit, që e ruan dhe e mbron atë nga çdo turbullim.

Antoni i Padovës
Tema Durim, Mbrojtje, Shpirt

Që kur ekziston, shoqëria njerëzore nuk mund të heqë dorë nga krimi, për shkak të arsyes së mbrojtjes.

Ödön von Horváth
Tema Krim, Mbrojtje, Ndalim

Çdo sulm duhet të përfundojë me një mbrojtje.

Carl von Clausewitz
Tema Mbrojtje, Sulm