Madhësi

Në gjërat e vogla, ashtu si në gjërat e mëdha, secili duhet të mbajë parasysh kufizimet që ka.

Juvenali
Tema Kufi, Madhësi, Vogëlsi

Një grua ambicioze është një telash për botën, sepse ajo i bën të mëdha gjërat e vogla, dhe të padurueshme gjërat e mëdha.

Thomas Overbury
Tema Ambicie, Grua, Madhësi, Vogëlsi

Për ata që nuk ekzistojnë gjërat e vogla, as të mëdhatë nuk ju duken të mëdha.

José Ortega y Gasset
Tema Ekzistencë, Gjëra, Madhësi, Vogëlsi

Shumica e njerëzve ka një aftësi intelektuale shumë më të madhe se sa përdorimi që i bëjnë.

José Ortega y Gasset
Tema Intelekt, Madhësi, Përdorim, Shumicë

Kur sheh një gjigant, shiko nga bie dielli, se mos është hija e një xhuxhi.

Novalis
Tema Diell, Madhësi, Vogëlsi

Jemi si xhuxhë mbi supet e gjigantëve: shohim më shumë e më larg, jo nga aftësia jonë, por sepse na ngre lart madhështia e tyre.

Bernardi i Shartrës
Tema Madhështi, Madhësi, Shikim, Vogëlsi

Nëse ekzistojmë për të realizuar projekte të mëdha, duhet të përballemi me rreziqe të mëdha.

John Henry Newman
Tema Madhësi, Projekt, Realizim, Rrezik

Lumturinë, sa më pak e ndien, aq më e madhe është.

Alberto Moravia
Tema Lumturi, Madhësi

Shumica e njerëzve është më e aftë të bëjë vepra të mëdha sesa vepra të mira.

Montesquieu
Tema Madhësi, Mirësi, Shumicë

Për të realizuar gjëra të mëdha, së pari duhet të ëndërrojmë, pastaj t’i vizualizojmë, pastaj t’i planifikojmë, t’i besojmë, t’i kryejmë.

Alfred Montapert
Tema Ëndërr, Madhësi, Planifikim, Realizim

Njerëzit nuk kanë ide të mëdha, janë idetë e mëdha që gjejnë njerëzit.

Franco Modigliani
Tema Ide, Madhësi

Në letërsi jam me të madhin kundër të voglit, kurse në politikë jam me të vegjëlit kundër të mëdhenjve.

Victor Hugo
Tema Letërsi, Madhësi, Politikë, Vogëlsi

Edhe qeni më i madh ka qenë një këlysh i vogël.

Joaquin Miller
Tema Madhësi, Qen, Vogëlsi

Të gjithë njerëzit që kanë arritur gjëra të mëdha kanë qenë ëndërrimtarë të mëdhenj.

Orison Swett Marden
Tema Ëndërr, Madhështi, Madhësi

Të tillë jemi ne njerëzit: tërbohemi për gjëra të vogla dhe i përpijmë në heshtje të mëdhatë.

Alessandro Manzoni
Tema E keqja, Madhësi, Pranim, Tërbim, Vogëlsi

Nëse s’mund të jesh rruga kryesore, ji një shteg. Nuk është madhësia që vendos fitoren a humbjen. Ji më i miri, çfarëdo që të jesh.

Douglas Malloch
Tema E mira, Fitore, Humbje, Madhështi, Madhësi

Madhësia shembet mbi veten e saj: këtë kufi hyjnitë i kanë vendosur mbarësisë.

Lukani
Tema Begati, Madhësi

Vepra më e vogël është më e madhe se qëllimi më fisnik.

Patti LaBelle
Tema Madhësi, Qëllim, Vepër

Nuk mund të zësh diellin me një grusht pluhur.

Omer Hajam
Tema Diell, Madhësi, Vogëlsi

Njeriu tregon se është i madh apo i vogël sipas rëndësisë që ai u jep gjërave të mëdha apo të vogla.

Inayat Khan
Tema Madhështi, Madhësi, Rëndësi, Vogëlsi