Ushtrija asht nji organizëm i verbtë, i pagojë e i pamend, i cili mbahet gjallë vetëm me veshë: Gatitu! Para! Mrapa! Urdhno! Tema Ushtar, Verbëri
Proçesverbalet e gjykatave komuniste kurrë nuk mund të merren për bazë të së vërtetës, mbasi janë të manipulueme me dhunë, terror, tortura e rrena. Ai historian që i merr për bazë, o asht servil i së keqes, ose i cektë nga gjykimi. Tema Dhunë, Gënjeshtër, Historian, Komunizëm, Manipulim, Terror
Dihet se lufta veç vorre djelmësh hapë e zemra nanash therrë, por marrja në derë nuk durohet. Tema Luftë, Turp, Vdekje
Të gjithë njerëzit i nënshtrohen dikuj, o me të mirë o me të keq. Apelojnë te liria ata që kundërshtojnë ligjët e Zotit, por i ndigjojnë verbtas ligjet e urdhnat e njerëzve të poshtër. Tema Ligj, Liri, Nënshtrim, Poshtërsi
Rruga e gjatë don shokë të mirë, përndryshej të mbyt jo vetëm mundi por mâ tepër mërzia. Tema Mërzi, Mundim, Rrugë, Shoqëri
A thue liria nuk kenkësh kurrgja tjetër, por vetëm nji mikrob iluzionar jetëshkatrrues? Tema Iluzion, Liri, Mikrob
Mbrenda këtij "kloni" jetonin shqiptarët, që kishin liri, në të shumtën e rasave, me u martue simbas rregullave të Partisë, kishin liri me rrahë shuplakë e me brohoritë Enver Hoxhën; kishin liri me shkue kur të duen në WC; kishin liri me folë mirë për Partinë e Pushtetin; por nuk kishin liri as me shfaqë mendimin e vet, pakënaqësitë e nevojët e veta. Tema Diktaturë, Komunizëm, Liri
Zot, sa i dijtun që je e i flet shpirtit të njeriut nëpërmjet barit e landëve, rranjët e tyne janë rruga e drejtimit të jetës sonë: shembull durimi ndër vuejtje e qindresë. Tema Durim, Natyrë, Zot
Në botë nuk ka sekrete; q'atëherë që goja flet me nji njeri tjetër, n'at çast që veshët e shtien në krye fjalën e ndigjueme, ajo krijon përziemje të madhe, të gërryen përmbrenda derisa të nxierret për gojet e jashtë e t'ia ngjitësh nji tjetri në sekret. Tema Dëgjim, Sekret, Të folurit, Të tjerët
