Aulona Ilasllari

Toleranca ndaj mos-respektit është dobësia e atyre që nuk kanë arritur asgjë!

Tema Arritje, Dobësi, Respekt, Tolerancë

Ç’heshtje mbart shpirti kur qan, ç’shpirt qenka që hesht kur vuan...

Tema Heshtje, Qarje, Shpirt, Vuajtje

Kjo jetë dashka shpirt të fortë, po dhe shpirti ndonjëherë s'e do jetën!

Tema Jetë, Shpirt

Libri është një arratisje e heshtur për të shpëtuar shpirtin nga kjo botë absurde dhe vrastare.

Tema Arratisje, Libër, Shpirt

Sa i çuditshëm është njeriu, një ditë e do shumë dikë, ditën tjetër e harron sikur mos të kish ekzistuar kurrë!

Tema Çudi, Dashuri, Harresë

Të gjithë kemi mungesa brenda shpirtit, që ndoshta dikush mund t’i plotësojë, ose lumturia mund t’i mbushë ato zbrazëti. Por a do të jetë e mundur që edhe në dhomëzat më me zbrazëtira, më boshe të zemrës, aty ku thjesht kalon gjaku, të hyjë dashuria?

Tema Boshllëk, Dashuri, Lumturi, Mungesë

A më bën mua një njeri të mirë kjo gjë? Një njeri që jeton me frikën se mos i lëndon të tjerët.

Tema Frikë, Lëndim, Mirësi, Të tjerët

Nuk e di në të vazhdoj të të dua apo të të harroj. Nuk e di se cila vret më shumë!

Tema Dashuri, Dhimbje, Harresë

Njeriu ka nevojë ndonjëherë të dehet me alkool, të harrojë botën, madje edhe veten e tij. Të dehet me dashurinë, me lumturinë, me buzëqeshjet. Të dehet me çdo gjë të bukur e kuptimplotë në këtë jetë. Sepse të gjithë jemi dehur ndonjëherë, aq sa nuk kemi dashur të kthehemi në vete, qoftë edhe për një moment.

Tema Alkool, Bukuri, Dashuri, Dehje, Lumturi

Gabimi dhe pendesa janë pjesë të pandashme të jetës, ato janë të pashmangshme.

Tema Gabim, Pashmangshmëri, Pendim

Sa herë e kemi gënjyer veten për të pranuar dhimbjen, për ta kaluar atë? Pafund herë. Por mes dhimbjes lind edhe shpresa, mes vdekjes gjendet jeta. Guximi për të kapërcyer pendesën është një rilindje e vërtetë. Por sa të guximshëm jemi në të vërtetë si njerëz?

Tema Dhimbje, Gënjeshtër, Guxim, Rilindje, Shpresë