Nëse Zoti e ka krijuar këtë botë, unë nuk do të doja të isha Zoti; mjerimi i skajshëm i saj do të ma copëtonte zemrën. Tema Botë, Palumturi, Zot
Mjekra, duke qenë pothuajse një maskë, duhet të ndalohet nga policia. Gjithashtu, si shenjë dalluese e seksit në mes të fytyrës, është e turpshme dhe prandaj u pëlqen femrave. Tema Aforizma argëtuese, Grua, Maskë, Mjekër, Ndalim
Kush do ta duronte jetën nëse dera e daljes nuk do të ishte e ruajtur nga xhandarë kaq të tmerrshëm siç janë drojat e vdekjes? Tema Durim, Frikë, Jetë, Vdekje
Jeta në vitet e pleqërisë ngjason me aktin e pestë të një tragjedie: dihet se fundi tragjik është afër, por akoma nuk dihet se cili do të jetë. Tema Jetë, Pleqëri, Tragjedi
Kush dëshiron që t’u zihet besë fjalëve të tij, t’i shqiptojë ato ftohtë e pa pasion. Tema Besim, Fjalë, Pasion
Rinia, edhe pa bukuri, mbetet magjepsëse; bukuria, pa rini, humbet çdo magji. Tema Bukuri, Hijeshi, Rini
Dashuria autentike është gjithmonë e dhembshur, dhe çdo dashuri që nuk është e dhembshur është egoiste. Tema Dashuri, Egoizëm, Empati
Cilësitë e mira të një njeriu zakonisht ndezin tërbimin e një njeriu të pavlerë. Tema Cilësi, Tërbim, Vlerë
Mëshira ndaj kafshëve është kaq e lidhur me mirësinë e karakterit saqë mund të pohojmë me plot gojën se njeriu që është i pashpirt me kafshët nuk mund të jetë i mirë. Tema Kafshë, Karakter, Mëshirë, Mirësi, Mizori
Ashtu siç tregon moskokëçarje për shoqërinë që frekuenton neglizhenca në të veshur, ashtu stili i ngutur dhe i shkujdesur shfaq një përçmim për lexuesin, i cili ia kthen, me të drejtë, duke mos e lexuar. Tema Lexim, Lexues, Shkujdes, Veshje
Në fëmijëri jeta na paraqitet si një pjesë teatrale e parë nga shumë larg. Në pleqëri është e njëjta pjesë, por e parë nga shumë afër. Tema Afërsi, Fëmijëri, Jetë, Largësi, Pleqëri
Kush nuk është i famshëm, nuk e ka humbur famën, thjesht nuk e ka arritur akoma. Tema Arritje, Famë, Humbje
Bota ka marrë për ters, njerëzit nuk janë siç duhet, por ti mos e humb rrugën e ji më i miri. Tema Botë, Motivim, Ters
Nëse vetja jonë nuk ka ndonjë vlerë të madhe, atëherë të gjitha kënaqësitë janë si verëra të shkëlqyera në një gojë plot vrer. Tema Kënaqësi, Vetvetja, Vlerë
Nuk ekziston kënaqësi tjetër përveçse në përdorimin dhe zotërimin e forcave vetjake, dhe dhimbja më e madhe është zbulimi i mungesës së këtyre forcave, aty ku na duhen. Tema Forcë, Kënaqësi, Përdorim
Një shkallë e caktuar e injorancës së përgjithshme është kusht për të gjitha fetë; është elementi i vetëm pa të cilin nuk mund të jetojnë. Tema Fe, Injorancë
Paraja që na ka sjellë më shumë dobi ka qenë ajo që na e kanë marrë përmes mashtrimit: në këmbim kemi përftuar menjëherë zgjuarsi. Tema Dobi, Mashtrim, Mençuri, Para, Përfitim
Në letërsi, të përçmosh gjërat e këqija është një detyrë kundrejt gjërave të mira. Tema Detyrë, E keqja, E mira, Letërsi, Përçmim
Unë nuk kam shkruar për budallenjtë, prandaj lexuesit e mi janë të paktë. Tema Budalla, Lexim, Lexues, Shkrim
