Gjuhëpreri i tërhequr në një skutë si fole m’i mir’ është nga një burrë që s’i ve dot gjuhës fre. Tema Heshtje, Të folurit
I urti i rrahur me uthull, me vaj, mendohet përpara, hap gojën pastaj. Tema Mendim, Të folurit, Urtësi
Nuk përleshën kurrë dy njerëz me tru, madje as një i ditur me një mendjehu. Tema Budalla, Dhunë, Mençuri
Edhe i vdekuri ia kalon, si të pasurit që nuk shijon, si të diturit që nuk vepron. Tema Arritje, Dituri, Pasuri, Shije, Vdekje, Vepër
Aftësia natyrore pa mësim, është pothuajse mjerim, por arsimimi i atij që nuk nxë dot është kohë e harxhuar kot. Tema Kohë, Mësim
Shigjeta mund të dalë sërish nga plaga, por ofendimi mbetet i ngulur në zemër. Tema Ofendim, Plagë, Zemër
Ruaj integritetin dhe s’ke pse i druhesh kujt: rrobalarësit rrahin vetëm rrobat e pista. Tema Frikë, Personalitet
Të qenët hokatar i tepruar, është dhunti për një miklues, por është turp për njeriun e zgjuar. Tema Mençuri, Servilizëm, Shaka, Tepri, Turp
Të lësh prushin ndezur kur flaken ke shuar, nuk është aspak një punë e zgjuar. Tema Kujdes, Mençuri, Zjarr
Gënjeshtra që sjell të mirën është më e mirë se e vërteta që nxit të keqen. Tema E keqja, E mira, Gënjeshtër, Vërtetësi
Më shumë nevojë kanë mbretërit për shoqërinë e të urtëve sesa të urtët për shoqërinë e mbretërve. Tema Mbret, Shoqëri, Urtësi
Merruni borxh të pasurve dhe jepuni borxh të varfërve, dhe shumë shpejt do të braktiseni nga të dyja palët. Tema Borxh, Pasuri, Varfëri
Njeriu që bëhet mosmirënjohës nga dështimi është dy herë bukëshkalë. Tema Dështim, Mosmirënjohje, Pabesi
Është më e pëlqyer pakënaqësia që i paraprin gëzimit, se gëzimi që ndizet nga pakënaqësia. Tema Gëzim, Pakënaqësi
Duhet t'ia kesh frikën atij që të ka frikë, edhe nëse ai është një mushkonjë e ti një elefant. Tema Frikë, Madhësi
