Çdo lidhje, qoftë martesë apo miqësi, mbahet nga biseda; mes njerëzve shumë të ndryshëm në kulturë, baza e përbashkët është në nivelin më të ulët.

Oscar Wilde
Tema Bisedë, Lidhje, Martesë, Miqësi

Duhet të martohemi për t’i bërë qejfin vetes, jo të tjerëve.

Isaac Bickerstaffe
Tema Kënaqësi, Martesë, Të tjerët, Vetvetja

Nuk është mungesa e dashurisë, por mungesa e miqësisë, që i bën martesat të palumtura.

Friedrich Nietzsche
Tema Dashuri, Martesë, Miqësi, Mungesë, Palumturi

Biseda është nyja që lidh çdo marrëdhënie, qoftë miqësore apo martesore.

Oscar Wilde
Tema Bisedë, Lidhje, Martesë, Miqësi

Mos u miqëso me njerëz që s’ta prishin kurrë. Miqësohu me njerëz që të detyrojnë ta ndreqësh veten në raport me të tjerët.

Thomas J. Watson Jr.
Tema Dakordësi, Miqësi, Përmirësim, Të tjerët, Vetvetja

Miqësia është martesa e shpirtit dhe martesa mund të çojë në divorc.

Volteri
Tema Divorc, Martesë, Miqësi

Sado që miqësia, dashuria e martesa i lidhin njerëzit, në fund secili ia do vërtet të mirën vetëm vetes dhe, më së shumti, edhe fëmijës së vet.

Arthur Schopenhauer
Tema Afrimitet, Dashuri, Martesë, Miqësi, Sinqeritet, Vetmi

Miqësia kundrejt vetvetes është tejet e rëndësishme, sepse pa të nuk mund të jesh mik i askujt tjetër.

Eleanor Roosevelt
Tema Miqësi, Të tjerët, Vetvetja

Disa burra duket se janë martuar vetëm që gratë e tyre të mos martoheshin me të tjerë.

Jules Renard
Tema Aforizma argëtuese, Burrë, Grua, Martesë, Të tjerët

Miqësia, ashtu si dashuria, është t’i kushtosh vëmendje tjetrit.

Katherine Pancol
Tema Dashuri, Miqësi, Të tjerët, Vëmendje

Mikut më të mirë i bie gruaja më e mirë, sepse martesa e mirë është talent i miqësisë.

Friedrich Nietzsche
Tema Bashkëshortë, Martesë, Miqësi

Miqësia është një kontratë me të cilën angazhohemi t’i bëjmë dikujt ndere të vogla, që ai të na i kthejë të mëdha.

Montesquieu
Tema Favor, Kthim, Miqësi, Të tjerët