Një burrë i hareshëm në moshë të mesme është më pak qesharak se një i ri turivarur.

Marcello Marchesi
Tema Hare, Mërzi, Moshë

Qesh e bota do të bashkohet me ty, qaj e do të qash i vetëm, pasi kjo botë e vjetër kërkon huadhënës të haresë, ndërsa telashet i mjaftojnë ato që ka.

Ella Wheeler Wilcox
Tema Botë, Hare, Qarje, Qeshje, Vetmi

Mërzia është ndjesia se çdo gjë është një humbje kohe; hareja, se asgjë s’është humbje kohe.

Thomas Szasz
Tema Hare, Kohë, Mërzi

E qeshura dhe shakaja janë gëzim i pastër dhe, për sa kohë nuk teprohen, janë të mira në vetvete.

Baruch Spinoza
Tema Qeshje, Shaka

Njeriu përdor të qeshurën për të marrë hak ndaj atyre pa të cilët nuk mund të bëjë dot në ditët e dridhjes, të dhimbjes dhe të tmerrit.

Giovanni Papini
Tema Hakmarrje, Qeshje

Të afërmit janë thjesht një tufë njerëzish të mërzitshëm, që nuk kanë as idenë më të vogël se si të jetojnë, as instinktin më të vogël se kur të vdesin.

Oscar Wilde
Tema Aforizma argëtuese, Mërzi, Të afërm

I vetmi ndikim që një grua mund të ketë mbi një burrë është ta mërzitë aq shumë, saqë t’i heqë çdo interes për jetën.

Oscar Wilde
Tema Burrë, Grua, Interes, Jetë, Mërzi, Ndikim

Shpesh i falim ata që na mërzitin, por nuk mund t’i falim ata që mërziten me ne.

François de La Rochefoucauld
Tema Mërzi, Të tjerët, Vetvetja

Nëse jeni të trishtuar, mos u ktheni aty ku keni qeshur.

Xavier Forneret
Tema Qeshje, Trishtim

Buzëqeshja e personit që duam është i vetmi ilaç i vërtetë kundër mërzisë.

Nicolás Gómez Dávila
Tema Buzëqeshje, Dashuri, Mërzi

Mjafton hijeshia e beftë e një buzëqeshjeje të mençur për të fshirë shtresat e mërzisë së grumbulluar prej ditësh.

Nicolás Gómez Dávila
Tema Buzëqeshje, Mërzi

Shoqja ime më e mirë është pasqyra, pasi kur unë qaj, ajo nuk qesh.

Charlie Chaplin
Tema Pasqyrë, Qarje, Qeshje