Mos këqyr kurrë përtokë për të zgjedhur vendin ku të hedhësh hapin. Vetëm ai që e mban shkimin drejt horizontit do të gjejë rrugën e duhur. Dag Hammarskjöld Tema E duhur, Shikim, Zgjedhje
Të urtët zgjedhin një gjë në vend të shumë gjërave: lavdinë e përjetshme. Kurse shumica ngopen si bagëtitë. Herakliti Tema Lavdi, Zgjedhje
Detyra jote është ta luash mirë rolin që të është dhënë. Ta zgjedhë atë është detyrë e një tjetri. Epikteti Tema Rol, Zgjedhje
Maturia i tejkalon virtytet e tjera po aq sa shikimi i tejkalon shqisat e tjera. Bioni i Boristenit Tema Maturi, Shikim, Shqisë, Virtyt
Për një sy që di të shohë pak më thellë, modestia është vetëm një formë, madje edhe më e dukshme, e sqimës. Jules Renard Tema Modesti, Shikim, Sqimë
Fjalët janë si lentet: gjithçka që nuk na ndihmojnë ta shohim më mirë, e mjegullojnë. Joseph Joubert Tema Fjalë, Shikim
Ata që mbledhin vargje dhe thënie të mençura u ngjajnë ngrënësve të qershive: fillojnë duke zgjedhur më të mirat dhe përfundojnë duke i gëlltitur të gjitha. Nicolas Chamfort Tema Aforizmë, Zgjedhje
Është e qartë se shumimi i partive, në pamje të parë, ua ledhaton sqimën budallenjve. U jep atyre iluzionin e zgjedhjes. Georges Bernanos Tema Budalla, Iluzion, Parti, Zgjedhje
Të dashuruarit janë si agimi dhe muzgu: çdo ditë i ka, por është tepër e vështirë t’i vëresh. Samuel Butler Tema Dashuri, Shikim
Secili ka një detyrë në jetë, por askush atë që do të kishte dashur ta zgjidhte, ta përcaktonte dhe ta drejtonte vetë. Hermann Hesse Tema Detyrë, Zgjedhje
Është më e vështirë të shohësh sesa të shprehesh. E gjithë vlera e artit qëndron në aftësinë e artistit për të parë mirë atë që ka përpara. Robert Henri Tema Art, Artist, Shikim, Shprehje
