Fëmijëria është një sëmundje, një e keqe që shërohet duke u rritur. William Golding 1911–1993 Tema Rritje, Sëmundje, Fëmijë
Fëmijët sëmuren vetëm kur janë me të vërtetë të sëmurë, ndërsa të rriturit, ose kanë simptoma pa pasur sëmundje, ose kanë sëmundje të rënda me simptoma të papërfillshme. Gabriel García Márquez Tema Fëmijë, Sëmundje, Simptoma, Të rritur
Këshilla më e mirë që mund t’i jap secilit që dëshiron të rrisë një fëmijë të lumtur e të shëndetshëm mendërisht është: mbajeni sa më larg që mundeni nga kishat. Frank Zappa Tema Fëmijë, Kishë, Rritje, Shëndet
Fëmijët rriten me ankthin dhe ngutin për rezultate, të ngarkuar me pritshmëri prindërore dhe të stimuluar nga iluzione komerciale. Paolo Bonolis Tema Ankth, Fëmijë, Iluzion, Pritshmëri, Rritje
Me kalimin e kohës prindërit bëhen fëmijë dhe fëmijët janë të detyruar të rriten. Licia Troisi Tema Fëmijë, Kohë, Prind, Rritje
Fëmijët rriten më mirë me ndershmëri dhe shembull se me frikë dhe ndëshkim. Terenci Tema Fëmijë, Frikë, Ndershmëri, Ndëshkim, Prind, Rritje, Shembull
Ndoshta të gjithë fëmijët që janë të pafat në vogëli, rriten para të tjerëve. Renato Pozzetto Tema Fëmijë, Rritje
Idetë janë si fëmijët: nuk mjafton vetëm t’i kesh, duhet edhe t’i rrisësh. Daniel Picouly Tema Fëmijë, Ide, Rritje
E kupton se fëmijët e tu janë rritur kur nuk të pyesin më se nga vijnë dhe nuk duan të të thonë se ku po shkojnë. P. J. O'Rourke Tema Fëmijë, Pyetje, Rritje
I vetmi fëmijë që nuk rritet kurrë është yt shoq. Demi Moore Tema Aforizma argëtuese, Bashkëshortë, Burrë, Fëmijë, Rritje
Më në fund ia dola të bëhem ai që kam dashur të bëhem kur të rritesha: një fëmijë. Joseph Heller Tema Fëmijë, Rritje
Një i rritur që rri me fëmijë, do të mbesë fëmijë. Një fëmijë që rri me të rritur, do të rritet para kohe. Thomas Fuller (shkrimtar) Tema Fëmijë, Rritje, Të rritur
