Disa jepen pas kënaqësive dhe, pasi mësohen, nuk bëjnë dot pa to. Janë të mjerë, sepse gjërat e tepërta u bëhen të domosdoshme. Nuk i shijojnë kënaqësitë: janë skllevër të tyre.

Seneka
Tema Kënaqësi, Palumturi, Skllavëri

Nuk ka gjë që e shkurton jetën e që e bën aq të palumtur sa kënaqësitë.

Giacomo Leopardi
Tema Jetëgjatësi, Kënaqësi, Palumturi

Kur femra jote të bindet se mund të të bëjë të lumtur vetëm me dashurinë e saj, të jesh i sigurt se për ty po fillon palumturia.

Ugo Ojetti
Tema Dashuri, Grua, Lumturi, Palumturi

Një nga epërsitë e kënaqësisë ndaj dhimbjes është se kënaqësisë mund t’i thuash mjaft, ndërsa dhimbjes nuk mund t’i thuash.

Ugo Ojetti
Tema Dhimbje, Fund, Kënaqësi

Dashuria ushqehet më shumë me dëshirën sesa me kënaqësinë. Idealet dashurohen përjetësisht, sepse nuk arrihen kurrë.

Carlo Dossi
Tema Dashuri, Dëshirë, Kënaqësi

Dy palumturi, të mbledhura bashkë, mund të bëjnë një lumturi.

Gesualdo Bufalino
Tema Lumturi, Palumturi

Mjafton ta fshehësh, dhe gjëja më e zakonshme bëhet e këndshme.

Oscar Wilde
Tema Fshehje, Kënaqësi

Ka gra që, për të jetuar në paqe me burrat e tyre, duhet t’u japin për të pirë. Kur burri është esëll, fillon të mendojë e bëhet i palumtur.

George Bernard Shaw
Tema Aforizma argëtuese, Alkool, Burrë, Dehje, Grua, Palumturi

Lumturia vjen nga drejtësia dhe vetëpërmbajtja, ndërsa palumturia nga ligësia.

Sokrati
Tema Drejtësi, Ligësi, Lumturi, Palumturi

Kënaqësia, kur shoqërohet me virtytin, është një e mirë e madhe. Përndryshe, është gjëja më e keqe në botë.

Isokrati
Tema E keqja, E mira, Kënaqësi, Virtyt

Një kohë e pakufizuar sjell po aq kënaqësi sa një kohë e kufizuar, nëse kufijtë e kënaqësisë gjykohen me arsye.

Epikuri
Tema Kënaqësi, Kohë, Kufi

Ne e konsiderojmë kënaqësinë parimin dhe qëllimin e jetës së lumtur, sepse e kemi njohur si të mirën e parë, të lindur bashkë me ne.

Epikuri
Tema Kënaqësi, Lumturi, Qëllim