Ndodh vetëm në librushka të këqija të ndahen të gjallët në dy kampe dhe të mos takohen. Por, në realitet, gjithçka plekset. Sa qenie e pavlerë, e pandreqshme duhet të jesh, që të luash vetëm një rol në jetë, të zësh vetëm një vend në shoqëri, të kesh vetëm një kuptim gjithmonë.

Boris Pasternak
Tema Ndarje, Rol, Takim, Vlerë

Nga dashuria njoh vetëm anët më të këqija: ndarjen nga një takim që nuk ndodhi kurrë.

Aldo Busi
Tema Dashuri, Ndarje, Takim

Dy drejtëza paralele takohen vetëm në infinit, kur s’u intereson më fare.

Luciano De Crescenzo
Tema Aforizma argëtuese, Takim

Njerëzit nuk i takojmë kurrë rastësisht; fati e ka caktuar që ata të kalojnë rrugës sonë për një arsye.

Valérie Perrin
Tema Fat, Rastësi, Takim

Ka raste në jetë që, me të takuar një njeri, të duket sikur e ke njohur prej kohësh dhe menjëherë ke dëshirë t’i japësh zemrën.

Petro Marko
Tema Njohje, Takim

Ki kujdes nga femrat që të lejojnë t’i prekësh që në takimin e parë, dhe aq më shumë nga shtinjaket që kanë nevojë për lejen e famullitarit.

Carlos Ruiz Zafón
Tema Grua, Seks, Shtirje, Takim

Ka njerëz që nuk i kemi takuar asnjëherë, e megjithatë i ndiejmë më të afërt se ata me të cilët përballemi çdo ditë.

Richard Paul Evans
Tema Afërsi, Takim

Kur lumturia vjen drejt nesh, ajo kurrë nuk mban veshur rrobat me të cilat mendonim se do ta takonim.

Augusta Amiel-Lapeyre
Tema Lumturi, Takim, Veshje

Një takim i shkurtër dhe një kujtim i gjatë e pasurojnë dhe e çlirojnë shpirtin.

Emanuel Geibel
Tema Kohëzgjatje, Kujtim, Takim

Gjatë shëtitjes, mos u ndalni te vendi e parë që hasni; gjatë jetës, mos u ndalni te gruaja e parë që takoni.

Carlo Dossi
Tema Dashuri, Grua, Ndalim, Takim

Ndonjëherë duhet të lëvizin malet që të takohen shokët e vjetër.

Salman Rushdie
Tema Miqësi, Takim

Na ndodh ndonjëherë të takohemi me njerëz krejt të panjohur, për të cilët shfaqim interes që me shikim të parë, ashtu papritur, para se të shqiptohet qoftë edhe një fjalë e vetme.

Fjodor Dostojevski
Tema E panjohur, Interes, Shikim, Takim, Të folurit