Mosbesimi im është i pamposhtur, njësoj si besimi i besimtarëve më fanatikë. Francesco Burdin 1916–2003 Tema Fanatizëm, Besimtar, Besim
Besimtari fanatik është ai që, po të kishte një mbret ateist, do të bëhej edhe vetë ateist. Jean De la Bruyére Tema Ateizëm, Besimtar, Fanatizëm
Nëse lind në Indi, ka gjasa të jesh hindu. Nëse lind në Pakistan, mysliman. Nëse lind në Amerikë, i krishterë. Çfarë rastësie e jashtëzakonshme: secili lind pikërisht në fenë e duhur. Ricky Gervais Tema Besim, Besimtar, Fe, Rastësi
S’ka randësi në çka besohet: përjetimi i të besuemit asht i njëjtë, veç objektet ndërrojnë. Martin Camaj Tema Besim, Besimtar, Fe
Devocionin që ke ndaj besimit tënd, pikë së pari e tregon respekti që ke për besimet e tjera. Agustini Tema Besim, Besimtar, Fe, Respekt
Besimi është prej ari, entuziazmi është prej argjendi, fanatizmi është prej plumbi. Ugo Ojetti Tema Besim, Entuziazëm, Fanatizëm
Dyshimi është hija e besimit. Pa aftësinë e dyshimit nuk mund të jesh besimtar. Është si guximi: pa frikë nuk mund të jesh guximtar. Jo Nesbø Tema Besim, Besimtar, Dyshim, Frikë, Guxim
Sa më fetar të jetë njeriu, aq më shumë beson; sa më shumë beson, aq më pak di; sa më pak di, aq më injorant është; sa më injorant të jetë, aq më lehtë qeveriset. Johann Most Tema Besim, Besimtar, Dituri, Injorancë, Qeverisje
Fatmirësisht, nuk jam besimtar. Po të besoja, do të jetoja nën frikën e vazhdueshme se mos e humbas besimin. Emil Cioran Tema Besim, Besimtar, Frikë, Humbje
Është e vështirë të jesh besimtar kur sheh se disa njerëz s'i vret rrufeja. Bill Watterson Tema Aforizma argëtuese, Besim, Besimtar
Shpresoj të mos plakem aq shumë sa të bëhem besimtar. Ingmar Bergman Tema Aforizma argëtuese, Besim, Besimtar, Pleqëri
Kur besimtarët gjenden përballë diçkaje të pabesueshme, e shohin si një arsye e fortë për të besuar. Michel de Montaigne Tema Aforizma argëtuese, Besim, Besimtar, Fe
