Kush qorton të tjerët, në mënyrë indirekte lëvdon vetveten. Thomas Browne 1605–1682 Tema Lëvdatë, Kritikë, Të tjerët, Vetvetja
Burri nuk duhet as ta lëvdojë dhe as ta qortojë gruan e tij në prani të të tjerëve. Në rastin e parë tregon dobësi, në rastin e dytë çmenduri. Kleobuli i Lindos Tema Bashkëshortë, Grua, Kritikë, Lëvdatë, Të tjerët
Pak njerëz janë aq të mençur sa të parapëlqejnë një qortim të dobishëm në vend të një lëvdate të rreme. François de La Rochefoucauld Tema Kritikë, Lëvdatë, Mençuri
Di si të mbrohem kur më qortojnë, por jo kur më lëvdojnë. Sigmund Freud Tema Kritikë, Lëvdatë, Mbrojtje
Ka lëvdata që na bëjnë të pendohemi për një mëkat më shumë se çdo qortim. Ugo Bernasconi Tema Kritikë, Lëvdatë, Mëkat, Pendim
Duhet gjithmonë dikush për të kritikuar, në mënyrë që të ndihemi të justifikuar në mjerimin vetjak. Umberto Eco Tema Justifikim, Kritikë, Të tjerët
Mos ia kij besën atij që s’ia ndien për qortimet dhe as atij që është i etur për lëvdata. Arturo Graf Tema Besim, Kritikë, Lëvdatë
Kush ia kushton kohën përmirësimit vetjak, nuk ka kohë për të kritikuar të tjerët. Nënë Tereza Tema Kohë, Kritikë, Përmirësim, Të tjerët, Vetvetja
Kur njerëzit më qortojnë, di si të mbrohem, por përballë lëvdatave ndihem i pafuqishëm. Sigmund Freud Tema Kritikë, Lëvdatë, Mbrojtje
Kritikat nuk janë kurrë dashuri. Nuk duan të mirën e tjetrit, por duan vetëm t’u krijojnë dyshime personave që u drejtohen. Joe Vitale Tema Dashuri, Kritikë, Të tjerët
Ka arritur një paqe mendore të jashtëzakonshme ai që nuk shqetësohet as nga kritikat dhe as nga lëvdatat. Thomas à Kempis Tema Kritikë, Lëvdatë, Paqe, Shqetësim
Peshën e trupit tonë e mbajmë pa e vënë re, ndërsa çdo peshë tjetër ndihet menjëherë, kështu nuk vëmë re as të metat tona, ndërkohë që të metat e të tjerëve na bien menjëherë në sy. Arthur Schopenhauer Tema Kritikë, Mangësi, Peshë, Të tjerët, Vetvetja
