Lexim

Nuk udhëtoj kurrë pa ditarin tim. Duhet pasur gjithnjë ndonjë gjë mahnitëse për të lexuar në tren.

Oscar Wilde
Tema Aforizma argëtuese, Lexim, Udhëtim

Ndodh rrallë që njeriut t’i lexohet shpirti në fytyrë.

Simon Wiesenthal
Tema Fytyrë, Lexim, Njohje, Shpirt

Tekefundit, një libër i lexuar përgjysmë është një histori dashurie e papërfunduar.

Ben Whishaw
Tema Lexim, Libër

Një orë që harxhohet duke lexuar është një orë që i vidhet parajsës.

Thomas Wharton
Tema Lexim, Parajsë, Vjedhje

Nuk e dija që isha feministe deri në çastin që e lexova në ballinën e njërit prej librave të mi.

Fay Weldon
Tema Feminizëm, Lexim, Libër

Kur bëhet fjalë për të lexuar në sytë e një gruaje, pjesa më e madhe e burrave janë analfabetë.

Heidelinde Weis
Tema Aforizma argëtuese, Analfabetizëm, Burrë, Grua, Lexim, Sy

Një libër që s’ia vlen të lexohet dy herë, s’ia vlen të lexohet asnjëherë.

Jean Paul
Tema Lexim, Libër, Vlerë

Budallenjtë admirojnë çdo fjalë të një autori të madh, unë lexoj veç për vete, dhe më pëlqen ajo që leximi bën për mua.

Volteri
Tema Admirim, Budalla, Lexim, Shkrimtar

Leximi e kërcimi janë dy dëfrime që nuk mund t’i bëjnë kurrë keq botës.

Volteri
Tema Argëtim, Kërcim, Lexim

Burgjet janë vendet më të përshtatshme për të lexuar tekste filozofie.

Leo Valiani
Tema Burg, Filozofi, Lexim

Shkrimet e mia, më mirë të lexohen shumë herë nga një njeri i vetëm, sesa vetëm një herë nga shumë njerëz.

Paul Valéry
Tema Lexim, Shkrim

Të mësosh të dëgjosh fjalët e të tjerëve, të lexosh libra dhe të pezullosh gjykimin, këto janë mjetet për të arritur aftësinë e gjykimit që kishin të moçmit.

Yamamoto Tsunetomo
Tema Dëgjim, Gjykim, Lexim, Të tjerët

Shkollimi ka krijuar një shumicë njerëzish që di të lexojë, por që nuk kupton dot se çfarë ia vlen të lexohet.

G. M. Trevelyan
Tema Dallim, Lexim, Shkollë, Vlerë

Nuk di të lexoj, por e marr me mend.

Totò
Tema Hamendje, Lexim

Analfabetët e së ardhmes nuk do të jenë ata që nuk dinë të shkruajnë e të lexojnë, por ata që nuk dinë të mësojnë, të harrojnë ç’kanë mësuar, e të mësojnë sërish.

Alvin Toffler
Tema Analfabetizëm, E ardhme, Lexim, Mësim

Lexoji më parë librat më të mirë: mund të mos të jepet më rasti t’i lexosh.

Henry David Thoreau
Tema Lexim, Libër

Lexo fatin tënd, shih se ç’ke përballë, dhe ec në të ardhmen.

Henry David Thoreau
Tema E ardhme, Fat, Lexim

Poezitë e poetëve të mëdhenj nuk janë lexuar akoma nga njerëzimi, pasi ato dinë t’i lexojnë vetëm poetët e mëdhenj.

Henry David Thoreau
Tema Lexim, Madhështi, Poezi

Kur lexoj, hyj në botën e një tjetri për disa orë. Kur shkruaj, hyj në botën time përjetësisht.

Pierluigi Tamanini
Tema Lexim, Shkrim, Të tjerët, Vetvetja

Mund të lexoni Kant-in në vetmi, por një shaka duhet ta ndani me dikë tjetër.

Robert Louis Stevenson
Tema Humor, Lexim, Qeshje, Shoqëri