Njeriu pa pasione është aq në zgrip të budallallëkut saqë mjafton vetëm të hapë gojën që të bjerë brenda. Tema Marrëzi, Pasion
Duhet të bëjmë shumë ndere e pak sherre, sepse kujtesa i harron me lehtësi të mirat, por vështirë se i harron të këqijat. Tema E keqja, E mira, Faj, Favor
Asgjë e çmuar nuk të sjell kënaqësi, nëse nuk ke dikë me të cilin ta ndash. Tema Kënaqësi, Ndarje, Pasuri, Të tjerët
Natyra na ka bërë vëllezër, duke na ngjizur nga të njëjtat lëndë dhe duke na caktuar të njëjtin fund. Ajo na ka pajisur me dashuri reciproke, përmes të cilës na ka bërë të shoqërueshëm. Tema Natyrë, Vdekje, Vëllazëri
Nuk ekziston gjëmë aq e kobshme saqë një njeri i mirë të mos gjejë ndonjë ngushëllim. Tema E mira, Fatkeqësi, Ngushëllim
Secili vdes në ditën e vet. Nuk humbet asgjë nga koha që të përket; ajo që lë pas nuk është e jotja. Tema Fat, Kohë, Shpërdorim, Vdekje
Fyerjet e injorantëve duhet t’i dëgjojmë pa u merakosur. E nëse dikush synon virtytin duhet të përbuzë vetë përbuzjen. Tema Injorancë, Ofendim, Përbuzje, Shqetësim, Virtyt
Marrëzia jonë është e qartë: e quajmë pagesë vetëm atë që bëjmë me para, dhe e quajmë falas atë që paguajmë me vetveten. Tema Falas, Marrëzi, Pagesë, Vetvetja
Një udhëtim mbetet i papërfunduar nëse ndalon në gjysmë të rrugës ose para pikës së caktuar; jeta nuk është kurrë e paplotë, nëse është virtuoze. Tema Jetë, Udhëtim, Virtyt
Disa jepen pas kënaqësive dhe, pasi mësohen, nuk bëjnë dot pa to. Janë të mjerë, sepse gjërat e tepërta u bëhen të domosdoshme. Nuk i shijojnë kënaqësitë: janë skllevër të tyre. Tema Kënaqësi, Palumturi, Skllavëri
Jeto me njerëzit sikur Zoti të të shikonte. Fol me Zotin sikur njerëzit të të dëgjonin. Tema Njerëzim, Zot
Pleqëria ndjek rininë e vdekja ndjek pleqërinë. Kush nuk do të vdesë, nuk do as të jetojë. Tema Jetë, Pleqëri, Rini, Vdekje
Ajo që kërkon natyra është e lehtë për t’u siguruar; djersitemi për gjërat e tepërta. Tema Kotësi, Mundim, Nevojë
Nëse do që të të nënshtrohet çdo gjë, nënshtroju arsyes: do të jesh prijës i shumë vetave nëse arsyeja do të të prijë ty. Tema Arsye, Drejtues, Nënshtrim
