Ka njerëz që e lartësojnë postin që mbajnë dhe njerëz që lartësohen nga posti që mbajnë. Tema Nderim, Post
Njeriu i urtë përpiqet të mos kundërshtojë askënd e të mos kundërshtohet nga askush. Tema Kundërshtim, Urtësi
Nuk ka mjerim më të madh se një jetë pa miq. Miqësia shumëzon të mirat e përpjesëton të këqijat. Tema E keqja, E mira, Miqësi
Miqtë e vërtetë të njeriut janë fare pak, shumica janë thjesht miq të fatmirësisë së tij. Tema Fat, Miqësi
Më shumë vlen një kokërr gjykim i shëndoshë sesa një mal mendjemprehtësie. Tema Gjykim, Më mirë ... se, Mençuri
Më shumë dobi nxjerr i mençuri nga armiqtë sesa budallai nga miqtë. Tema Armiqësi, Budalla, Dobi, Mençuri, Miqësi
Gënjeshtari ka dy të këqija: ai nuk i beson askujt dhe askush nuk i beson atij. Tema Besim, Gënjeshtar
Të dinë t’u ngjeshin të tjerëve mangësitë e veta e t’i kthejnë ato në mburojë kundër keqdashjes së tjetrit është një aftësi e pashoqe për ata që qeverisin. Tema Mbrojtje, Qeverisje, Të tjerët
Emri i mirë varet më shumë nga kujdesi për të mos u zbuluar sesa nga vetë veprat. Prandaj, nëse nuk je i dëlirë, të paktën ji i kujdesshëm. Tema Emri i mirë, Fakt, Kujdes
Mes budallenjve pak rëndësi ka të jesh i mençur, e mes të çmendurve, i arsyeshëm. Tema Arsye, Marrëzi, Mençuri, Qetësi
Ka raste kur dinakëria më e madhe është të dukesh budalla. Por kujdes: duhet të dukesh, jo të jesh. Tema Budalla, Shtirje
Aty ku tashmë është një budalla që ngatërron lëmsha, përpiqu të mos i shtosh edhe një tjetër. Tema Budalla, Ngatërrim
Të mos përfshihesh në një konflikt është më e guximshme se të fitosh në betejë. Tema Guxim, Konflikt, Përfshirje
