Janë ca ditëzinj të cilëve bixhozi ua ka pështjelluar trurin në mënyrën më të pazakontë. Rrinë e llogarisin si e si të nxjerrin logjikën nga rastësia, dhe janë të sigurt që, në mos sot, nesër do t'ia dalin. Tema Bixhoz, Logjikë, Rastësi, Shkatërrim, Tru
Sqima njerëzore nganjëherë nuk ngurron të kthejë në piedistal edhe njëfarë nami fyes apo edhe kundërmimin therës e qelbës të disa temjanicave të padenja e meskine. Tema Lartësi, Mizori, Ofendim, Sqimë
Rrobat që veshim, prerja e tyre, ngjyra e tyre, mund t’i shtyjnë njerëzit të mendojnë lloj lloj gjërash rreth nesh. Tema Mendim, Të tjerët, Veshje
Nuk ka fantazi që të arrijë të konceptojë ato lloj çmendurishë, ato aventura të pashembullta që ngjizen nga gjiri i potershëm i jetës. Tema Aventurë, Çmenduri, Fantazi, Jetë
Nuk shpiket asgjë që nuk ka ndonjë rrënjë, të cekët apo të thellë, në realitet. Tema Realitet, Rrënjë, Shpikje
Shpeshherë, kënaqësia që një objekt na shkakton nuk gjendet tek objekti vetë. Është fantazia që e zbukuron duke e mbështjellë me imazhe të dashura për ne. Tema Bukuri, Fantazi, Kënaqësi, Objekt
Çdo objekt shndërrohet brenda nesh sipas imazheve që ai thërret e grumbullon përreth vetes. Tema Imazh, Objekt
Të përpiqesh të mos bësh asnjë marrëzi, kur e gjithë jeta është e tillë, do të thotë të mos jetosh fare. Tema Jetë, Marrëzi
Nuk është gjë e bukur që, në njëfarë moshe, të kthehesh në shtëpi dhe të mos gjesh askënd. Tema Moshë, Shtëpi, Vetmi
Ç’do të bëjë njeriu kur makinat të bëjnë çdo gjë? A do ta kuptojë atëherë se i ashtuquajturi progres nuk ka të bëjë fare me lumturinë? Tema Lumturi, Makinë, Përparim
Shkenca, me pajisjet e saj të komplikuara, të jep iluzionin sikur ta thjeshton jetën, por e bën atë pothuajse mekanike. Tema Iluzion, Ndërlikim, Shkencë, Teknologji, Thjeshtësi
Një shaka e sugjeruar nga plogështia mund ta shtyjë njeriun që ta dënojë veten me vetmi. Tema Plogështi, Shaka, Vetmi
Kur një njeri i madh rrëzohet, përplas kokën e bëhet budalla. Ku është shpirti? Tema Budalla, Madhështi, Shpirt
Kur pushteti është në dorë të një individi, ky e di se duhet të mendojë për të gjithë; por kur janë shumë ata që qeverisin, mendojnë veç për veten e tyre, dhe atëherë kemi tiraninë më të trullosur e më të urryeshme: tiraninë e maskuar si liri. Tema Liri, Maskë, Pushtet, Shumicë, Tirani
Siç u pëlqen veteranëve të lustrojnë medaljet e tyre, ashtu vejanëve u pëlqen ta mbajnë unazën në gisht. Tema Unazë, Vejushë/Vejan
Nëse e pranojmë se gabimi është njerëzor, a nuk është mizori e pashoqe drejtësia? Tema Drejtësi, Gabim, Mizori
Shpirtrat tanë kanë një mënyrë të posaçme për t’u kuptuar mes tyre, për të hyrë në intimitet, ndërsa trupat tanë janë të zënë në tregtinë e fjalëve mediokre, në skllavërinë e kërkesave shoqërore. Tema Harmoni, Intimitet, Shpirt, Trup
Fakti që toka rrotullohet, është një justifikim i mirë për pijanecët. Tema Aforizma argëtuese, Alkool, Justifikim, Pije
