Njeriu i fisëm jeton në harmoni me të gjithë pa vepruar si ata. Njeriu vulgar vepron si gjithë të tjerët dhe nuk shkon dakord me askënd.

Hugo von Hofmannsthal
Tema Fisnikëri, Harmoni, Pëlqim, Sjellje, Të gjithë, Vulgaritet

Nuk ka fisnikëri pa bujari, ashtu si nuk ka dëshirë hakmarrjeje pa vulgaritet.

Joseph Roth
Tema Bujari, Fisnikëri, Hakmarrje, Vulgaritet

Mos bjer pre e fjalëve të pista dhe e shakave pa kripë, se me gjëra të tilla zgërdhihen vetëm njerëzit e rëndomtë; njerëzit e fisëm turpërohen prej tyre.

Carlo Goldoni
Tema Banalitet, Fisnikëri, Vulgaritet

Ëndrrat shpesh përziejnë simbolet më fisnike me mendimet më vulgare.

Yukio Mishima
Tema Ëndërr, Fisnikëri, Mendim, Vulgaritet

Nuk ka burrë aq të ulët, sa të mos mund të ketë një grua më të ulët se ai; nuk ka burrë aq fisnik, sa të mos mund të ketë një grua më fisnike se ai.

Igino Ugo Tarchetti
Tema Burrë, Fisnikëri, Grua

Asnjë krim nuk është vulgar, por çdo vulgaritet është krim. Vulgariteti është sjellja e të tjerëve.

Oscar Wilde
Tema Krim, Të tjerët, Vulgaritet

Emrat e mëdhenj, në vend që t’i lartësojnë, i ulin ata që nuk dinë t’i mbajnë.

François de La Rochefoucauld
Tema Famë, Fisnikëri

Disa shpirtra të veçantë arrijnë ta shndërrojnë edhe gabimin në melodi fisnike.

Nicolás Gómez Dávila
Tema Fisnikëri, Gabim

Na fisnikërojnë ndjenjat tona, jo mendimi i botës.

Friedrich Schiller
Tema Botë, Fisnikëri, Ndjenjë

Çdo vepër fisnike është fillimisht e pamundur.

Thomas Carlyle
Tema Fisnikëri, Pamundësi, Vepër

Çdo punë është e fisme. Puna është e vetmja gjë e fisme.

Thomas Carlyle
Tema Fisnikëri, Punë

Mirësjellja është shprehje e shpirtit fisnik dhe e mirësisë së zemrës. Por mbi të gjitha është një investim i mirë, si edhe një detyrë qytetare.

Gianni Monduzzi
Tema Fisnikëri, Investim, Mirësi, Mirësjellje, Qytetar