Shoku i keq, më i zi se gjarpri, me një fjalë a me një shpatë, ta merr shpirtin me dy duart, dhe ta hedh trupin në flakë.

Rumi
Tema Armiqësi, E keqja, Miqësi

Zoti ju bekoftë; e bashkë me ju bekoftë edhe ata që duan ta kthejnë të keqen në të mirë e armiqtë në miq.

Shekspiri
Tema Armiqësi, Bekim, E keqja, E mira, Miqësi

Një armik i vetëm mund të bëjë më shumë të këqija se ç’mund të bëjnë të mira dhjetë miq bashkë.

Jonathan Swift
Tema Armiqësi, E keqja, E mira, Miqësi

Mos i jep mikut aq fuqi sa, po të prishet pastaj e të të bëhet armik, të mund të të bëjë të keqen.

Saadiu
Tema Armiqësi, E keqja, Miqësi

Për të qenë të ndershëm, kemi nevojë ose për miq të mirë ose për armiq të betuar, sepse të parët me këshilla e të dytët me kritika, nuk na lejojnë të veprojmë keq.

Plutarku
Tema Armiqësi, E keqja, Këshillë, Kritikë, Miqësi, Ndershmëri, Veprim

Vështirë të thuhet se kush na i bën të këqijat më të mëdha në jetë, armiqtë me qëllimet më të liga apo miqtë me qëllimet më të mira.

Edward Bulwer-Lytton
Tema Armiqësi, E keqja, Miqësi, Qëllim

Padyshim, miqve u mbetet të na bëjnë të keqen që largësia nuk lejon që të na e bëjnë armiqtë.

Marcel Jouhandeau
Tema Armiqësi, E keqja, Miqësi

Kush dëshiron të mbetet në udhën e drejtë, duhet të ketë ose miq të mirë, ose armiq të rreptë. Të parët të qortojnë, të dytët t’i nxjerrin të metat në pah.

Diogjeni
Tema Armiqësi, Drejtësi, Kritikë, Miqësi

Askush nuk do të flasë më keq për një grua sesa një grua tjetër që dikur ishte mikja e saj.

Sacha Guitry
Tema E keqja, Grua, Miqësi, Përgojim

Isha i zemëruar me mikun tim, ia thashë dhe zemërimi u shua. Isha i zemëruar me armikun tim, nuk ia thashë dhe zemërimi u shtua.

William Blake
Tema Armiqësi, Miqësi, Zemërim

Njeriu duhet të ketë si miq, ashtu edhe armiq. Miqtë e mësojnë çfarë të bëjë; armiqtë e detyrojnë të bëjë atë që është e drejtë.

Nicolae Iorga
Tema Armiqësi, Miqësi

Ruaju njësoj si nga miqësia e armikut, ashtu edhe nga armiqësia e mikut.

Nicolae Iorga
Tema Armiqësi, Kujdes, Miqësi