Kini kurajën të shkoni kundër rrjedhës. Kini kurajën e lumturisë së vërtetë! Thuajini jo kulturës së çastit, kulturës së cektësisë dhe të kotësisë, që nuk ju njeh të aftë për marrjen e përgjegjësive dhe për përballimin e sfidave të mëdha të jetës.

Papa Françesku
Tema Çast, Kulturë, Kundërshtim, Kurajë, Lumturi, Sfidë

Nuk u jam kundërvënë kurrë atyre iluzioneve të padëmshme që mund të na lumturojnë.

Oliver Goldsmith
Tema Iluzion, Kundërshtim, Lumturi

Nuk mund të jesh i lumtur nëse vepron në kundërshtim me bindjet e tua.

Jostein Gaarder
Tema Bindje, Kundërshtim, Lumturi

Ai që mbështetet tërësisht te vetja dhe e vendos gjithçka te vetja, nuk mund të mos jetë i lumtur.

Ciceroni
Tema Lumturi, Vetvetja

Të jemi gati të kundërshtojmë pa kokëfortësi dhe të na kundërshtojnë pa u zemëruar.

Ciceroni
Tema Kokëfortësi, Kundërshtim

Lumturia e përsosur nuk është shpërblimi i virtytit, por vetë virtyti.

Baruch Spinoza
Tema Lumturi, Virtyt

Kur femra jote të bindet se mund të të bëjë të lumtur vetëm me dashurinë e saj, të jesh i sigurt se për ty po fillon palumturia.

Ugo Ojetti
Tema Dashuri, Grua, Lumturi, Palumturi

Ndonjëherë ndodh të ndihesh i lumtur për një minutë. Mos të të zërë paniku: është punë e një çasti dhe kalon.

Gesualdo Bufalino
Tema Aforizma argëtuese, Lumturi

Dy palumturi, të mbledhura bashkë, mund të bëjnë një lumturi.

Gesualdo Bufalino
Tema Lumturi, Palumturi

I lumtur është njeriu që e nxjerr jetesën duke bërë atë që i pëlqen.

George Bernard Shaw
Tema Lumturi, Pasion, Punë

Vetëm cilësitë morale dhe intelektuale kanë rëndësi. Kujdesuni për to dhe lumturia do të vijë vetë.

George Bernard Shaw
Tema Cilësi, Intelekt, Lumturi

Sekreti i palumturisë është të kesh mjaft kohë të lirë për t’u shqetësuar nëse je i lumtur apo jo.

George Bernard Shaw
Tema Aforizma argëtuese, Kohë e lirë, Lumturi