Ngashënjyesi nuk improvizon, ai s’i lë asgjë rastësisë. Robert Greene 1959 Tema Improvizim, Joshje, Rastësi
Nëse lind në Indi, ka gjasa të jesh hindu. Nëse lind në Pakistan, mysliman. Nëse lind në Amerikë, i krishterë. Çfarë rastësie e jashtëzakonshme: secili lind pikërisht në fenë e duhur. Ricky Gervais Tema Besim, Besimtar, Fe, Rastësi
“Të jesh në dorë të Zotit” është vetëm një mënyrë më e gjatë për të thënë se po ia lë gjithçka rastësisë. Samuel Butler Tema Rastësi, Zot
Nganjëherë njeriu pengohet te e vërteta, por zakonisht ngrihet me nxitim dhe e merr sërish rrugën, sikur të mos kishte ndodhur asgjë. Winston Churchill Tema Hutim, Rastësi, Vërtetësi
Gjenialiteti i vërtetë nuk është kur bën për vete një grua që e dëshirojnë të gjithë, por është kur zbulon një grua të rrallë në një qenie të shpërfillur. Cesare Pavese Tema Gjenialitet, Grua, Joshje, Zbulim
Fati nuk ka të bëjë me rastësitë, por me zgjedhjet. Nuk është diçka për t’u pritur, por diçka për t’u arritur. William Jennings Bryan Tema Arritje, Fat, Pritje, Rastësi, Zgjedhje
Një njeri hidhte short mbi çdo vendim të tij. Nuk i shkoi më keq se atyre që thartonin trurin. Paul Valéry Tema Rastësi, Vendim
Njeriu, i shtyrë nga bukuria, e shndërron një ndodhi të rastësishme në një motiv që pastaj shkruhet në strukturën e jetës së tij. Milan Kundera Tema Bukuri, Rastësi
Nëse dashuria duhet të jetë e paharrueshme, rastësitë duhet të pushojnë mbi të që nga çasti i parë. Milan Kundera Tema Dashuri, Rastësi
Njerëzit nuk i takojmë kurrë rastësisht; fati e ka caktuar që ata të kalojnë rrugës sonë për një arsye. Valérie Perrin Tema Fat, Rastësi, Takim
Rastësitë nuk ekzistojnë. Jemi thjesht kukulla të vëna në lëvizje nga pavetëdija jonë. Carlos Ruiz Zafón Tema Rastësi
Ngashënjyesi e sheh jetën ashtu si luftëtari; në çdo individ ai sheh një kështjellë të rrethuar nga mure që duhen kapërcyer. Robert Greene Tema Joshje, Luftë
