Të shkruarit është eksplorim: e nis nga hiçi dhe mëson ndërsa ecën. E. L. Doctorow 1931–2015 Tema Eksplorim, Ecje, Shkrim
Dora që shkruan duhet të përpiqet ta shpërfillë gjithmonë syrin që lexon. Jules Renard Tema Lexim, Shkrim
Kur shkruan me lehtësi, gjithmonë kujton se ke më shumë talent sesa ke në të vërtetë. Për të shkruar mirë, duhet një lehtësi e lindur dhe një vështirësi e fituar. Joseph Joubert Tema Shkrim, Talent
Për të gjetur rrugën e duhur në shkrim, pyet veten se si do të lexohet teksti yt pas një shekulli. Samuel Butler Tema Rrugë, Shkrim, Shkrimtar
S’është aspak e lehtë të shkruash, duke menduar ato gjëra që njerëzit i thonë pa menduar. Marcello Marchesi Tema Mendim, Shkrim
Ajo që sot quhet e pamundur, në 90% të rasteve është thjesht e paeksploruar; pjesa tjetër bëhet e mundur me kohën dhe teknologjinë. Hideo Kojima Tema Eksplorim, Pamundësi, Teknologji
Fjalimi që sapo u dëgjua harrohet shpejt, por ajo që është e shkruar, edhe nëse lexohet një mijë herë, nuk zhbëhet kurrë. Johannes Trithemius Tema Harresë, Lexim, Shkrim
Kur të bëhet për të shkruar gjithkush, shkruhet gjithçka. Muhamet Azemi Tema Lexim, Shkrim, Të gjithë
Një jetë e shkruar mirë është pothuajse po aq e rrallë sa një jetë e jetuar mirë. Thomas Carlyle Tema Jetë, Shkrim
Nuk duhet zëvendësuar të shkuarit në thelb me fjalë boshe; nuk duhet fshehur zbrazëtia e përmbajtjes me fjalë të zgjedhura. Leon Tolstoi Tema Fjalë, Shkrim
