Nevoja të çliron nga sikleti i zgjedhjes.

Luc de Clapiers de Vauvenargues
Tema Nevojë, Zgjedhje

Herë pas here, ngarkoje veten me ndonjë vështirësi që zgjedh, që të mësosh të përballosh ato që do të të imponojë nevoja.

Isokrati
Tema Nevojë, Vështirësi

Të urtët zgjedhin një gjë në vend të shumë gjërave: lavdinë e përjetshme. Kurse shumica ngopen si bagëtitë.

Herakliti
Tema Lavdi, Zgjedhje

Detyra jote është ta luash mirë rolin që të është dhënë. Ta zgjedhë atë është detyrë e një tjetri.

Epikteti
Tema Rol, Zgjedhje

Përkatësia është ndoshta nevoja më e rëndësishme dhe më e nënvlerësuar e shpirtit njerëzor.

Simone Weil
Tema Nënvlerësim, Nevojë, Përkatësi

Dora që shkruan duhet të përpiqet ta shpërfillë gjithmonë syrin që lexon.

Jules Renard
Tema Lexim, Shkrim

Më mjafton të kem sa për nevojat e sotme e të zakonshme; për ato të jashtëzakonshmet, nuk do të mjaftonin të gjitha rezervat e botës.

Michel de Montaigne
Tema Mjaft, Nevojë

Kur shkruan me lehtësi, gjithmonë kujton se ke më shumë talent sesa ke në të vërtetë. Për të shkruar mirë, duhet një lehtësi e lindur dhe një vështirësi e fituar.

Joseph Joubert
Tema Shkrim, Talent

Gjëja më e keqe është qëndrimi i sforcuar që na imponon nevoja. Njeriu nevojtar nuk ecën si të tjerët: kërcen, zvarritet, përdridhet e tërhiqet; e kalon jetën duke marrë e braktisur qëndrime.

Denis Diderot
Tema Nevojë

Ata që mbledhin vargje dhe thënie të mençura u ngjajnë ngrënësve të qershive: fillojnë duke zgjedhur më të mirat dhe përfundojnë duke i gëlltitur të gjitha.

Nicolas Chamfort
Tema Aforizmë, Zgjedhje

Njeriu i varfër, por i pavarur, varet vetëm nga nevojat e veta; njeriu i pasur, por i varur, varet nga një ose më shumë njerëz.

Nicolas Chamfort
Tema Nevojë, Pasuri, Varfëri

Është e qartë se shumimi i partive, në pamje të parë, ua ledhaton sqimën budallenjve. U jep atyre iluzionin e zgjedhjes.

Georges Bernanos
Tema Budalla, Iluzion, Parti, Zgjedhje