Kujtesa ka një vërtetësi të veten të posaçme. Zgjedh, fshin, ndryshon, tepron, thjeshton, lartëson e poshtëron; por, në fund, krijon një realitet të vetin rreth ngjarjeve, një version të vetin, heterogjen po zakonisht koherent; dhe asnjë njeri me mend në kokë nuk i beson më shumë versionit të tjetrit se versionit të vet. Salman Rushdie Tema Krijim, Kujtesë, Realitet
Nganjëherë gjërat më reale ndodhin vetëm në imagjinatë. Mbajmë mend vetëm atë që nuk ka ndodhur kurrë. Carlos Ruiz Zafón Tema Imagjinatë, Kujtesë, Realitet
Kujtesa është e mangët dhe historia është gënjeshtare, pasi njerëzit duan të kujtojnë e të dëgjojnë përrallat dhe jo realitetin e vrazhdë e trashanik. Luigi Malerba Tema Histori, Kujtesë, Përrallë, Realitet
Iluzioni është pjesë e pandashme e realitetit, ashtu si pasoja është e pandashme e shkakut. Joseph Joubert Tema Iluzion, Pasojë, Realitet, Shkak
Kujtesa ime është shumë e mirë kur bëhet fjalë për të harruar. Robert Louis Stevenson Tema Aforizma argëtuese, Harresë, Kujtesë
Në librat që kujtojmë, gjendet gjithë thelbi i atyre librave që kemi harruar. Elias Canetti Tema Harresë, Kujtesë, Libër
Ka njerëz kaq të mbushur me realitet saqë mohojnë çdo gjë, të bindur se nuk do të zbrazën kurrë, pasi vetë janë një pohim i gjallë. Ardengo Soffici Tema Mohim, Realitet
Në njëtrajtësinë e orëve, nuk ka vend as për kujtesën as për shpresën: e kaluara dhe e ardhmja janë si dy pellgje të vdekura. Carlo Levi Tema Kujtesë, Shpresë
Një ditë do ta lësh pas këtë botë, prandaj jeto një jetë që do ta mbash mend. Avicii Tema Jetë, Kujtesë, Vdekje
