Jemi të gjithë atëistë, pothuajse ndaj të gjitha feve. Ndonjë, si puna ime, është ateist ndaj të gjitha feve; dhe ndonjë tjetër është ateist ndaj të gjithave, përveç njërës. Piergiorgio Odifreddi Tema Ateizëm, Fe
Kur dikush beson jo si të gjithë, ua ngre nervat të tjerëve, veçanërisht atyre që janë shpërfillës ndaj besimit. Anton Çehov Tema Ateizëm, Besim, Fe, Nervozizëm
Jam ateist. Nuk jam aspak neutral ndaj fesë, jam kundërshtar i saj. Mendoj se ajo është një e keqe, jo vetëm një falsitet. Dhe nuk e kam fjalën vetëm për fenë e organizuar, por për mendimin fetar në tërësinë e tij. Christopher Hitchens Tema Ateizëm, E keqja, Fe, Kundërshtar
Të dyshosh e të besosh janë e njëjta gjë. Vetëm mospërfillja është ateizëm. Éric-Emmanuel Schmitt Tema Ateizëm, Dyshim, Fe, Shpërfillje
Jam budist sepse e njoh dobësinë time. Jam i krishterë sepse e rrëfej dobësinë time. Jam hebre sepse e vë në lojë dobësinë time. Jam mysliman sepse luftoj kundër dobësisë sime. Jam ateist nëse Zoti nuk ka dobësi. Atiq Rahimi Tema Ateizëm, Dobësi, Fe
Ateistët janë vëllezërit dhe motrat e mia të një feje tjetër, dhe çdo fjalë që ata thonë, rrezaton besim. Yann Martel Tema Ateizëm, Fe
Ateisti është një njeri që beson në jetën e këtejme. Marcello Marchesi Tema Aforizma argëtuese, Ateizëm, Fe
Është moralisht më e pastër etika e ateistit sesa etika e besimtarit që sillet mirë prej frikës së ndëshkimit të amshuar. Margherita Hack Tema Ateizëm, Besimtar, Fe, Frikë, Sjellje
Një filozofi sipërfaqësore e çon mendjen e njeriut drejt ateizmit, por një filozofi e thellë e çon mendjen e njeriut drejt besimit. Francis Bacon Tema Ateizëm, Fe, Filozofi, Mendje, Thellësi
E kuptoj që mund të shohësh tokën e të jesh ateist, por si mund të shohësh qiellin natën e të mos besosh në Zot? Benjamin Franklin Tema Ateizëm, Fe, Qiell, Tokë, Zot
