Kampionëve të sportit s’u lejohet duhani, s’u lejohet alkooli, s’u lejohen femrat. Po atëherë, çfarë u duhet fitorja?

Totò
Tema Aforizma argëtuese, Alkool, Duhan, Fitore, Grua, Sport

Mos pini duhan. Mos pini alkool. Mos hani tepër. Mos punoni pa masë. Është e vërtetë që të gjithë jemi në rrugën drejt varrezave, por s’ka asnjë arsye që të ecim në korsinë e parakalimit.

Robert Orben
Tema Alkool, Duhan, Ngut, Punë, Ushqim, Varr, Vdekje

Nëse lë duhanin, pijen dhe të bërit dashuri, nuk është se jeton më gjatë, vetëm se të ngjan më gjatë.

Clement Freud
Tema Aforizma argëtuese, Alkool, Dashuri, Duhan, Kohëzgjatje, Pije

Shpirt i dobët është ai që gjen shumë arsye për t’i dhënë fund jetës.

Epikuri
Tema Dobësi, Vetëvrasje

Mashtrimi i ngjan rakisë: në fillim duket sikur të jep forcë, por më pas të lë më të lodhur se më parë.

Massimo d’Azeglio
Tema Alkool, Forcë, Mashtrim

Ky imitim jete e ka kthyer vetëvrasjen në diçka të dalë mode.

Franco Battiato
Tema Imitim, Vetëvrasje

Cigarja është për njeriun e kufizuar një zëvendësues i mirë i mendimeve.

Arthur Schopenhauer
Tema Duhan, Mendim

Njeriu ka nevojë ndonjëherë të dehet me alkool, të harrojë botën, madje edhe veten e tij. Të dehet me dashurinë, me lumturinë, me buzëqeshjet. Të dehet me çdo gjë të bukur e kuptimplotë në këtë jetë. Sepse të gjithë jemi dehur ndonjëherë, aq sa nuk kemi dashur të kthehemi në vete, qoftë edhe për një moment.

Aulona Ilasllari
Tema Alkool, Bukuri, Dashuri, Dehje, Lumturi

Nëse pi duhan, do të nxish faqet e murit; por nëse lexon gazeta, do të nxish karakterin tënd.

Gustav Freytag
Tema Duhan, Gazetari, Karakter

Zoti nuk është fshehur. Zoti është vetëvrarë.

Giorgio Caproni
Tema Fshehje, Vetëvrasje, Zot

I piri ndonjëherë ndien më shumë se ai që është esëll.

Dritëro Agolli
Tema Alkool, Ndjeshmëri, Pije

Vetëm një të drejtë ka njeriu… Të vrasë veten nëse i erret drita e trurit dhe e syve, po jo të vrasë tjetrin, që dëshiron të jetojë.

Petro Marko
Tema Vetëvrasje, Vrasje